ගැඹුරුම තැන

බොහෝ කාලෙකින් කවි නොලී හින්දම

මගෙ හිතත් පාලුවෙන් හින්දම

අපේ ආදරේ ගැඹුරුම තැන ගැන

ලියන්නට යමි පන්හිඳෙන් මම

කොහේද කොතැනද නොපෙනුනත් එය

දෙසිත අපෙ ඒ ගැඹුරේ ගිලී ඇත

වෙන් නොවෙන සේ සිත් වෙලී ඇත

ගලක වූ කැටයමක් විලසින

කිසිවෙකුගේ නෙත් යා නොවන හින්දම

ඒ ගැඹුර පිවිතුරුය පුන් සඳක් වාගෙම

කිසිම දෑතක් නොගැටෙන හින්දම

ඒ ගැඹුර පැහැදිලිය නිල් විලක් වාගේම

ගැඹුරු වූ අප ආදර විලේ

ප්‍රේමයේ සියපත් පිපේ

ආදරෙන් බැදි අප ජීවිතේ

එසුවඳින් මිහිරි වේ..